كلمات راشد الفارس الجديد 2010 ( ابوك في الجنه )

[b]ابوك في الجنة




حاول تذكرني وبحاول اذكرك
وإن ماذكرتك وش تبيني آسوّي؟
دقيقة اصبر عيد لفتة تكبرك
ابوك في الجنة تذكرت توّي
هذا إنت ياللي كنت لاجيت ابادرك
باللين يحلالك علي التقوّي
بعد ايش لنت وجاي تبغاني اعذرك
ماعاد جو اقسى وأنا آلين جوّي
يا سخفها لعبة تكبر وأقدرك
رغم إني الرابح بها اليوم لوّي
ماصنت خاطر طيبتي قبل خاطرك
وسمحت لك تحكي معاي بتروّي
يومك مكاني منت يمي واحاورك
واشب من غيضي وتدفى بضوّي
يا ابن الحلال ان كان تبغاني اذكرك
بالخير سوي بي مثل ما اسوّي







--------------------
بتغيب غيب




بتغيب غيب براحتك ما جبرتك
تعرف مكاني لا بغيته تدله
ولا تحسب اني فغيابك عذرتك
بعض الغلا ما يستمر بمحله
آمنت بوطاك وندمت وكفرتك
مبدأ لقيت ان الخيانه تحله
كنك يمين و ما قصدت ونظرتك
احيان تنهي راحة البال زله
اعمى وردوا لي العيون ونظرتك
اثرك ابد ما تملي العين للّه
كنت الظلام ويا هناي ان سهرتك
واثر بسما غيرك نجوم واهلّه
ما اكرهك .. منك اعتبرت و عبرتك
دوم التجارب توصلك للادله
بيني وبينك عشرة ولا نكرتك
ماني من اللي ينكر بيوم خلّه







--------------------
باكر




باكر على ما صار تندم و تبكي
ولا اسمعك لو جيت تحكي وتحكي
سامحتك اكثر من خطاياك واكثر
من جرحك وهمّك ولا جيت اشكي
مسكين يا مسكين ولّا زمانك
رسبت في اول سطر في امتحانك
خاين وانا الخاين ما اعدّه حبيبي
هذا ثمر زرعك و هذا جنانك
اليوم جا وقتك تجرّب عذابي
تقرا ولو سطرين باول كتابي
انا خلص دوري وهلحين دورك
من غيّرك خل ينفعك في غيابي







--------------------
دام ما همّك




دام ما همك لحظه غيابي
ليه انا بهتم وارجي وجودك
انا ما اقدر ارضى بعذابي
وليه انا اتعذب وانت بجمودك
فمان الله .. دربك تدلّه
وخذ معك طيفك وباقي وعودك
عطيتك القلب والشوق شوقين
واليوم انا بنزعك من اقصى ضلوعي
يعني وان صار بشتاق يومين
وان بكت عيني بتنشف دموعي
وانت ياللي
كنت خلي
ابسألك بالله .. تنسى رجوعي
كنت خايف لا اضيع عقبك
واثر انا اللي كنت ضايع فقربك
انا احمد الله شرّك كفاني
واحلوت الدنيا بعيني في بُعدك
ابيك تذكر
كم كنت اصبر
والله ما تلقى من مثلي يحبك







--------------------
لا حظت شي




يعني ما لاحظت شي
يعني ما حسيت اني
شايل فقلبي شوي
ولا عادي صار عندك
كل ما زادت جروحي يزيد بعدك
ولا قلبك ماهو فاضي
انه يسال يوم او يقلق علي
يعني ما حسيت اني
شايل فقلبي كلام
يعني ما حسيت فيها
نبره مليانه ملام
ياخي حس شوي فيني
كل شي باين في عيني
انت راضي قول راضي وانا بنساها عليك
بس تاكد اني شايل همي وهمك وابيك
كله شويه وبهدها
و اعتبرها جرح وعدا







--------------------
لا اوصيك




لا اوصيك على حبي لا اوصيك واحرص على نفسك وروحك
ابفديك لا شك اني بفديك يا عزّي لعينن ما تشوفك
بخليك للي ما يخليك عسى خالك الدنيا يصونك
انا اغليك انا كلي هوا فيك تدري بي ما اصبر بدونك
ما اخفيك والله لا يوريك عذابي لا غابت عيونك
بناديك شوق وماني لاقيك و من الحين وانا اتحرى رجوعك
ابرجيك بٌدك لا يقسيك حسافه على الشوق وشعورك
لا اوصيك ثلاثتنا باياديك هوانا وروحي و روحك







--------------------
الشوك




الظاهر تعود على اللي يسويه
ان قلت له مجروح صد و تبره
ما همه اللي صار في قلب مغليه
جلدن ماهو جلده على الشوك جره
الجرح جرح القلب وازليت اداويه
و ياحره المشتاق الفين حره
ما جاه مني غير حاظر ولبيه
ما جاني منه غير هم ومظره
له في عيوني نظرته كلها ليه
ونجمه غلا عدّت حدود المجره
ولي في عيونه آهتن تشتعل فيه
حلمن وقف لي والمكافي المره
لا خنت شخص لا تحاول تواسيه
اللي حصل ما عاد ينساه مره
ولاصرت متعود على اللي تسويه
جلدن ماهو جلدك على الشوك جرّه







--------------------

في امور




في اموركثيره منك مضايقتي
وانا ساكت لاجل ما نخسر بعضنا
كنت احاول لاجل ما ابعدك عني
وانت بعنادك كذا تنهي املنا
ياما في حبك انا احسنت ضني
وما ابغى احس اني انا وقلبي اندفعنا
انت اخر شخص حسيته يخذلني
وللاسف منك انا وقلبي انخدعنا
ودّي مره تقول لي وش جاك مني
وليه لو نوصل .. من الاول رجعنا
سو مثلي حبني قبل تخسرني
سو كل شين يجي في مصلحتنا
ادري ما نيل المطالب بالتمنّي
بس عمري عشته وياك اتمنا
زي ما اعتبرك حبيبي اعتبرني
الحبيب اللي صعب تستغني عنا







--------------------
شي ثاني




رماني حظي بدربك رماني
وانا من قبل مااشوفك اعاني
اعاني وحشة الغربه بهمي
اداري غصتي بأقصى المحاني
ابد مااشكي ولو الدرب موتي
اموت بعزتي واقف مكاني
والى من الليالي ناطحتني
نحرت اللي نطح والا رماني
الا يا اللي نويت الهجر قلي
وش اللي جاك مني يالاناني
مثل ايوب صبري ماتركني
عطيتك ذروة الهقوه معاني
حسبت ان الوفاء طبع بذاتك
واثر طبعك تطبعته عشاني
هقيتك فارق عن كل ربعك
حسبتك شي واثرك شي ثاني
ضناني منك حزن الوقت كله
سنين طوال مرت بي ثواني
هجرت الناس والعزوه وربعي
تغير واختلف لجلك زماني







--------------------
إلا إنت




الا انت لجلك انت
ابتعد عنهم واروح
وانسى لجلك هالجروح
وانسى من مروا في عمري
الا انت
تدري وشهو العمر دونك
مثل ليل بلا عيونك
وانا مااتحمل غيابك
وماابي هالدنيا بدونك
لمسة يدينك دفا
يااحاسيس الوفا
قلبي ماشفته بقربك
يوم بأحضانك غفى
الا انت
ماكذب خافق حبيبك
يوم قال انه حبيبك
ياللي حتى في غيابك
الف طاري له يجيبك
عطي انت وانت خذي
ماهو بعد اذنك واذني
وانسانا وخلينا واحد
خذني انت وانت عطني
الاانت







-------------------
كذا وأكثر




كذا واكثر احبك فوق مااتصور
كذا والا بلاحب وبلا كذبه
تأثر في حياتي قد ماتقدر
احبك قد ماتلعب معي لعبه
تظل قلوبنا اطفال ماتكبر
ويظل الشوق فينا عمر تحلم به
ولاتكره ولا تجرح ولا تخسر
اقل شعور بين الناس تفرح به
وجودك مايجي شكل النهار اسمر
حظورك دنيتي والشمس تشرق به
احبك حب ماتتخيله واكثر
من اللي في خيالك نفسك تحبه
عطيتك كل مافيني وقلت ابشر
ياعمري مالقيت الا انت انا احبه[/b]